مقال ساخر: أهم 10 وسائل لتحقيق الثروة في مصر

وسام القلم الذهبي تاريخ التسجيل : 05/03/2011

حريتنا - صبري سراج

أو كما يقول مدربو التنمية البشرية: 10 طرق ناجحة لتصبح غنيا

1- أن تصبح لاعب كرة في أحد أندية الدوري الممتاز ويا سلام لو عرفت تشوف
لك عقد احتراف في أي دولة أوروبية أو في الخليج.. وكمان سوق السودان شد
حيله وربنا يكرمك يا معلم
ولما تعتزل متقلقش.. هتكون عملت خميرة حلوة وكمان هتتفتح لك سكك جديدة..
تدرب.. تبقى مذيع أو معلق أو محلل رياضي..يعني الرزق مستمر متقلقش.

2- أن تغني.. إعمل كليب وهات شوية مزز عرايا يتلوو حواليك ولو كنتي بنت
فإنتي مش في حاجة للبنات دي .. كفاية إنتي ومعاكي شاب سيكي ميكي من اللي
ربنا مباركلهم في شعر راسهم وصدرهم.. وبعدها ستنهال العروض عليك من
كباريهات شارع الهرم وحفلات البروم والاستقبال في المدارس والجامعات.

3- أن تعمل في الحزب الحاكم تحت أي مسمى وانت شطارتك بقى.. تمشي مصالح
الناس وكله بثمنه.. تشتغل في أي حاجة تبع أحمد عز وتاخد مرتب هلامي.. تكبر
داخل الحزب وتبقى كادر محترم وعضو في المجلس الموقر ..عييييش

4- أن تعمل مدربا للتنمية البشرية.. تعرفهم إزاي ينجذبوا لبعض.. إزاي
يمشوا ع النار.. ازاي يعمل هالة حواليه ويبقى ماشي بربرق كده
سبوبة زي الفل

5- أن تقوم بعمل مسابقة 0900 في التليفزيون وتتاجر بحلم الثراء عند الناس
ويا سلام لو كنت شاطر وابتكرت مسابقة زي كورمبو كده.. يبقى عديت يا معلم

6- أن تكون صحفي مرتزق تحصل من أشباه النجوم على منح ثابته لتلميعهم
وتساوم آخرين حتى لا تفضحهم أو تشنع عليهم.. هو الفنان إيه غير سمعة وشوية
حاجات فوق بعضها.

7- أن تتعرف على مسئول جامد يبيع لك أرض ملك للدولة ولو بعقد صوري يمكنك
من أخذ قرض كبييييير من البنك وتخلع بعدها على سويسرا.. والله هتوحشنا.

8- أن تقرأ كتابين في الفقه وتحفظ لك كام حديث وتربي دقنك وتلبس جلابية
وتحك جبهتك في سجادة الصلاة لحد ما تظهر الزبيبة.. وبعدها تتبوأ مقعدك في
الفضائيات.. أكرمك الله يا مولانا.

9- اجمع تبرعات لاخوانك في غزة ولمرضى السرطان ولبناء مسجد.. فنحن شعب يحب فعل الخير وهنيالك يا بومبو

10- بعدما تأخذ القرض من البنك ممكن متسافرش وتقوم بعمل جامعة خاصة
مصاريفها لا تقل عن 20 ألف جنيه وده هيضمن لك مكسب سنوي لا يقل 60 مليون
جنيه.. وأهو يبقى اسمك رجل تربوي.. ويمكن في أول تعديل وزاري تلاقي نفسك
فوق الكرسي.. ومبروك معاليك.

المشرف العام تاريخ التسجيل : 20/03/2011

مقال ساخر: أهم 10 وسائل لتحقيق الثروة في مصر 185898883

مقال ساخر: أهم 10 وسائل لتحقيق الثروة في مصر 3958913405

عضو ذهبي تاريخ التسجيل : 12/03/2011

هههههههههه عندك حق والله

» أهم مقال سياسي ممكن أن تقرأه
» نادر السيد من التحرير: مستمرون لتحقيق مطالب الشعب ولا تهاون في دم الشهداء