كنتاكى فى المنزل

وليه اكلف نفسى 150 جنيه اقل وجبة ومتشبعش عيل فى محلات كنتاكى والكنتكى اهوه بالصور

نبدا بسم الله

اولا المقادير

كيلو من دببيس الفراخ او الاجنحة او فرخة مقطعة على 12 قطعة ونفتح فيها فتحات بسكينة تبابع الصورة

نتبل الفراخ بى بصل بهارات فراخ ملح فلفل شطة للى يحبه حار لمدة ساعة

بعد ساعة نضيف على الفراخ 3 بيض ونصف كوب لبن تابع الصور

هنا بقا نصف كيلو دقيق البهارت هى
معلقة كبيرة جنزبيل ناعم
معلقة كبيرة زعتر جاف
معلقة كبيرةبقدونس جاف
معلقة كبيرة ببركا
معلقة كبيرة ثوم بودر
معلقة كبيرة بصل بودر
معلقة كبيرة بهارت فراخ
معلقة صغيرة كركم
معلقة صغيرة ملح
معلقة صغيرة فلفل
2 معلقة كبيرة بيكنج بودر تابع الصور

الدقيق بعد ما اتخلط مع البهارات تابع الصور

الفراخ على الدقيق ولازم الدقيق يمسك على الفراخ كويس جدا تابع الصور

الفراخ بعد ما اتبل فى الدقيق تابع الصور

نترك الفرخ بعد ذلك لمدة 10 دقائق الى 20 دقيقه ترتاح بالتلاجة شويه قبل القلى تابع الصور

بنحط زيت غزير فى حله غويطة ويتسخن جامد وبعدها
ننزل الفراخ فى الزيت وبعد ما تخد لون كده ونهدى النار جدا ونغطى الحلة تابع الصور

الحلة متغطية لمدة 10دقائق ثم نشيل الغط ونعلى النار تانى لحد الفراخ ما تحمرة وتقرمشة
الفراخ بعد التحمير نحطها بمصفايه تكون خرومها رفيعه عشان تصفى الزيت بالشكل دة

ودة شكل الدبابيس النهائى وكمان الاجنحة

الكنتاكى مع ارز الريزو وسلطة الكلو سلو وبطاطس محمرة وبالف هنا على اللى كلو واللى هيتفراج ويعمل زيه

ودى ياقمرات طريقه الكول سلو وارز الريزو والبطاطس لكل اللى طلبوهم

المقادير

*كوب مايونيز أي نوع.*كوب كرنب أحمر مقطع شرايح.*كوب خس كابوتشا مقطع شرايح.*1/2 كوب جزر مبشور.

* 1/4 كوب لبن.

*معلقة صغيرة سكر.

* ملح وفلفل حسب الرغبة.طريقة التحضير

اقسمي الكرنب والخس نصين وبعدين قطعيهم شرايح رفيعه وشيلي راس

الكرنب والخس

وقشري الجزر وابشريه

وبعد كده اخلطيهم كلهم مع بعض

وحطي المايونيز واللبن والسكر والملح والفلفل
وقلبي لغاية ما المكونات تتشرب التتبيلة

وحطي السلطة في علبه مقفولة كويس لمدة ساعتين بالثلاجة
وبعد كده طلعيها من الثلاجة وقديميها

طريقه عمل رز الريزو
اولا الشوربة : 2 معلقة ملح - معلقة فلفل اسمر حب - 3 بصلات مدبس فيهم قرنفل وورق لورا - معلقة حبهان
فاكرين طبعا الجزء اللى هنعمل منة الشوربة اللى هو الرقبة والهيكل والكبد والقوانص اوك

عملنا الشوربة تعالو على الرز ومكوناتة

1/4 فيلية من اللى كان منقوع فى اللبن الرايب.
معلقة شطة حارة .
معلقة بابريكا.
3 بصلات متوسطين الحجم مقطعين قطع صغيرة .
2 فص ثوم متوسط مقطع قطع صغيرة .
ملعقة صغيرة ملح.
1/2 كيلو رز.
2 ملعقة زبدة.
2 ملعقة صلصة حمراء مدوبين فى شوية ماية.

اليكم الطريقة
نحمر قطع اللحم فى الزبدة

ننشل قطع اللحم ونضع البصل لحد ما يدبل ونحط التوم

اول ما ريحة التوم تظهر حطى قطع الفراخ تانى وقلبى

وبعدين نحط الرز والتوابل ونقلب

وبعدين نحط الصلصة

وبعدين نحط الشوربة ونغطى ونسيبها على نار عالية لمدة دقيقتين ونهدى النار خالص لمدة 12 دقيقة

يالا ناكل ريزو مع صوص باربكيو

نقول البطاطس شوفى يا فتوكاتى هتروحى للست بتاعت الخضار وتقوليلها عايزة كيلو بطاطس بتاع القلى اوك تاخدى البطاطس تروحى على طول تقشريها وتغسليها وتنقعيها فى ماية ساقعة ومعلقة خل لمدة ساعة تصفى البطاطس وتنشفيها وتاخديها نص قلية وبعدين تفرزيها وتبقى تقلي منها وقت ما تحبى